Сахапарламент.ру «Үлэ киһитэ» бырайыакка 10-с таһаарыытын бэлэмнээтэ. Саха Сиригэр Үлэ сылыгар анаммыт бырайыакка араас идэлээх уонна дьарыктаах дьону көрдөрөбүт.

Бүгүҥҥү  видео-сюжет дьоруойа Нюргустан Хабаров. Кини СӨ «Аартыка суоллара» ХТ Муоматааҕы учаастагын суоппара. Бу тэрилтэҕэ 2015 сылтан үлэлиир.

– Ыраах сытар Аартыка улуустарыгар кыһыҥҥы суолунан араас таһаҕаһы, уматыгы, тиэхиньикэни, о.д.а. тиэйэн илдьэбит. Чуолаан, Индигиир өрүс үрдүнэн айанныыбыт. Ону таһынан, хоту таһаҕаһы тиэйии кыһыҥҥы суолун оҥоробут. Хоту үлэлиир да, олорор да чэпчэки буолбатах. Аҥаардас айан-сырыы болдьоҕо 10-тан 21 хонукка диэри буолар, – диэн Нюргустан Хабаров кэпсиир.

Нюргустан Хабаров үлэтин туһунан видео-сюжеты киирэн көрүҥ, сэргээҥ, үллэстиҥ, кэмэнтээрийдэ хаалларыҥ!